الحبيب القاسى

حبيبتى انتى ناسيانى

وانا بعدك بعيش جرحى

سنين عاشقك ونكرانى

يا ساكنة فى قلبى وملامحى

يا ساكنة جوه رسم العين

واسمك هوه نبض القلب

يا حلم ليوم حلمته سنين

وعشت سنين فى وهم الحب

وعشت سنين ومت سنين

اتارى عنيكى مالهاش قلب

اتارى عنيكى قلب جحود

بتقسى على اللى جابه الدرب

اتارى عنيكى ذل سنين

وجوه عيونه حزنه اتصب

وعاشها حزين سنين عمره

خريف دبلان بلون الورد

يا احلى كلمة يوم قالها

وكان نفسه تكونى الرد

ياوهم حزين فى يوم عشته

وجوه عنيكى شفت الغدر

وجوه عنيكى شفت كتير

سنين احزان ومالهاش عد

يا قاسية زى ليل الموت

غنى قلبى كلامه سكوت

يا اقوى من حنين قلبى

حنين قلبى دواه الموت

حنين قلبى فى يوم العيد

ندى عليكى ومالقاش صوت

***********

حنين قلبى اللى عاش حزنك

ويوم اتربى على جرحك

هيجى اليوم وينساكى

وينسى انه يوم حبك

وينسى انه يوم فى الليل

حلم يبقى فى يوم جنبك

وينسى الليل يا حزن الليل

وينسى عينيكى وملامحك