فى يوم

في يوم أنا كنت شايفك
في يوم كنتى نستينى
في يوم أنا كنت عاشقك
في يوم أنتي تخونيني
في يوم أنا قلبي سافر
لحبك منتهاه
في يوم أنا حبي عشته
في لحظة ونسيناه
في لحظة كنت عشقك
في لحظة كنتى جرحى
في لحظة قلبي حبك
وراح ونسيتى فرحى
يالي عمري كنت كلمة
عشتى عمرك بتقوليها
جوه عينك كنت غنوة
راح زماني ونستيها
يالي ليلك كان طريقي
تهت ياما وانكسرت
يالي حبك كان حقيقي
أنتي غرب ولا شرق
أنتي ماضي ولا بكرة
أنتي حاضر ولا ذكرى
أنتي موت ولا حياة
ردى جرحك جاب مداه
نفسي تيجى وتقوليلى
أنتي ليه مرة نستينى
قولي ليه آنت انكسرت
قولي وأنتي بتدبحينى
قولي ليه آنت انتحرت
جوه عينك
هدديني
هدديني بحب تانى
قولي هاخدك و أنقذك
هدديني بحلم تانى
قولي قلبي بيوعدك
هدديني بجرح تانى
أنسى تانى أطببك
روحي عنى
أنتي حزني
عمري يوم ما كنتى فرحى
عمر يوم ما كنتى حلمي
أنتي عمرك كنتى حزني
أنتي حبك راح خلاص
واعزريني عمر يوم ما اقدر أسامحك

غصب عنى

غصب عنى في يوم عشقتك
غصب عنى حلمت بيكى
غصب عنى في يوم سكنتك
وانكويت من نار عنيكى
غصب عنى يالي منك
ليلى يبقى طول سنينى
ليكى عشت عمري كله
وابتدى قدام عنيكى
ليكى قلبي كان بيسهر
يبكى دمعه ويناديكى
ليكى دايما كنت بشكى
بس عمري ما كنت ليكى
غصب عنى في يوم عشقتك
غصب عنى حلمت بيكى

********

جوه عينك عشت عمري
وابتدى قدام عنيكى
جوه قلبك كنت بيحبى
وابتديت حلمى اللى بيكى
حلمى بيكى كان بيكبر
كل ثانية بين ايديكى
كل ثانية كان بيسال
عن نهاية حبه ليكى
كل ثانية كان بيصرخ
من اهات حبه لعينيكى
بس دايما كان بيفضل
صوت صداه يقتل حنينى
صوت صداه جوايا يصرخ
صوت سجين جرحه يداويكى
بس دايما كان بيفضل
جوه سجنك بيناديكى
بس عقلى كان بيسخر
من اهات حبه لعينيكى
غصب عنى في يوم عشقتك
عصب عنى حلمت بيكى

********

وانهاردة جيت أقولك
حرري حبى بايديكى
اجرحيني يالا و أمشى
سيبى قلبي يعيش سنينى
اجرحي قلبي اللي حبك
وأدى قلبك شوق حنيني
اجرحي عمري اللي جنبك ضاع
في رمشة من عينيكى
اجرحي عقلى اللي دايما
كان بيرفض يبقى ليكى
انسى انى في يوم عشقتك
وأنسى تانى ترجعيلى
انسى انى في يوم اسلم
ليكى عمري وتخدعيني
كانلى عشقك غصب عنى وبإرادتي تهجريني